اغلاق مضيق هرمز الذي يعتمد عليه دول الخليج في تصدير النفط العام...
☢️ايران تغلق مضيق هرمز رسميا من شوية في وجه السفن تصعيد خطير للحرب ودفعها نحو حرب اقليمية كبرى واستهداف مطار الكويت ومجمع سكني بالبحرين وانباء عن استهداف المرشد ووزير الدفاع
خلينا نفسر ايه اللي بيحصل بالتفصيل ونفهم ايه تأثيره
???? شوف يا صديقي في البداية من فترة كانت ايران هددت تهديد جاد بان لو حصل اي هجوم امريكي ومن اللي ميتسموش عليها هتقفل مضيق هرمز وهتمنع حركة الملاحة فيه وفعلا ده حصل من شوية وتم ابلاغ السفن اللي كانت في الخليج العربي وعايزة تروح للمحيط الهندي او العكس بان ممنوع الاقتراب من المضيق في وسط انباء مش مؤكدة ان المرشد ووزير الدفاع وقادة اخرين تم استهدافهم فعليا
الحدث ده جلل على المنطقة والعالم اقتصاديا لانه هيدفع اسعار البترول وخصوصا خام برنت ان استمر الوضع ده الى ارتفاع صاروخي وجنوني ليتجاوز 100 دولار على اقل تقدير والدهب يتجاوز 6000 دولار للاوقية مع فتح الاسواق المالية العالمية يوم الاثنين لانها يوم السبت والاحد بتكون اجازة وبالتالي تأثير ده على الاقتصاد العالمي حاليا محدود جدا بالنسبة لحجم اللي هيحصل يوم الاثنين مع مع بداية التداول
????طب وده ايه تداعياته عسكريا على المنطقة؟
الامر مش هيكون مقتصر بس على مضيق هرمز لان في مضيق باب المندب اللي برضو تقدر ايران تسيطر عليه عن طريق الجماعات الموالية لها في اليمن وبالتالي هتتشل حركة التجارة العالمية في قناة السويس وبكده هتبدأ تظهر التحالفات في المنطقة وهنبدأ نشوف حرب موسعة وايران فعليا بتتجه الى التصعيد لان مفيش قدامها خيارات تانية لدرجة انها ضربت سفينة مقاتلة دعم امريكية اس اس تي في الخليج العربي
????ايه اخر تطورات التصعيد الايراني العسكري المتسارع؟
ايران خلال الساعات الاخيرة بدأت مرحلة تانية من التصعيد واستهدفت مطار الكويت بطائرة مسيرة ومجمع سكني بالبحرين بصاروخ وخصوصا انها اعلنت قبل كده ان اي دولة هتشارك القواعد الامريكية اللي فيها في هجوم عليها هيتم استدافها ودي نتيجة رمي الخليج ووعد الحماية مقابل دفع تكلفتها ولم ينفعهم
ليس من مصلحة العرب هزيمة الفرس اطلاقا لان من بعد هلاك الفرس هلاك العرب والدور اللي على ايران ببساطة لتحييدها والتلخص منها للابد علشان يجي بعد كده دور مصر وتركياوالفترة الاخيرة بقينا نسمع عن قلقهم من تعاظم الجيش المصري وزيادة خطره ومن تعاظم الجيش التركي
الهدف ببساطة هو ايجاد المبررات لما هو عليه الدور من بعد ايران وحشد امريكا قرب %50 من قوتها العسكرية في الشرق الاوسط لدرجة ان حشد امريكي في المنطقة كان وقت غزو العراق ولكن يكون بالضخامة دي فهنا تعرف ان الهدف مش ايران بس وانها مجرد بداية لما هو قادم.
مش عايز اصدمك بس ايران معاها قنبلة قادرة تشعل حرب عالمية مش مجرد حرب اقليمية كبرى وهو مضيق هرمز الحيوي اللي بيعدي منه تقريبا قرب ربع استهلاك العالم من النفط يوميا
خلينا نفسر ونشرح كل حاجة بالتفصيل
شوف يا صديقي في البداية كده فمضيق هرمز موجود عند جنوب الخليج العربي وبيربط الخليج ببحر العرب والمحيط الهندي واقصى اتساع له 50 كم واقل اتسارع له 33 كم وعمقه بيوصل ل 60 م وعرض المضيق عند ممري الدخول والخروج حوالي 3 كم بس وبيعدي منه يوميا اكثر من 20 مليون برميل نفط عن طريق ناقلات النفط في اليوم الواحد وده بيقترب من ربع استهلاك العالم يوميا بخلاف كمان ناقلات الغاز خصوصا الغاز القطري اللي بيم تصديره لاوروبا وسلاسل الامداد والتوريد من اكل ودواء وغيره بتعدي بشكل شبه تام من المضيق ده لدول الامارات وقطر والبحرين والكويت ونسبة كبيرة من احتياجات العراق والسعودية واغلب احتياجات ايران نفسها
وبالتالي هو كارت استراتيجي تقدر تستخدمه ايران بقفل مضيق هرمز باي شكل كان زي تدمير ناقلة نقط او زرع الالغام البحرية اللي ممكن تكون اتزرعت فعليا او باغراق كام سفينة والحوار مش هياخد وقت طويل ووقتها المضيق هيتقفل تماما ومفيش حد لا هيعرف يخشه ولا يطلع منه وده معناه ارتفاع جنوني في اسعار البترول وخصوصا خام برنت اللي ممكن وقتها البرميل الواحد يكسر 100 دولار و 150 دولار واسعار البترول حاليا بتزيد بسبب الحرب اللي بتحصل وارتفاع الطلب وصعود الذهب بارتفاع تاريخي وهيتجاوز 6000 دولار للاوقية الواحدة وربما يقترب من 7000 دولار لو استمرت الحرب بشكل اطول ووقتها هيكون حصل السيناريو الاسوء
فعليا من وقت طويل ايران اعلنت ان اي هجوم امريكي ومن اللي ميتسموش هيتم قفل المضيق ولكن لعلم ايران بخطورة الفعل اللي هي بتلوح به فالخطوة دي هتكون في اخر مراحل تصعيد الحرب لو الهجمات اللي حصلت عليها كانت قاضية واتهز النظام الايراني فعلا خصوصا استهداف قادة النظام زي المرشد مثلا
الحرب اللي بتحصل دي هتكون تصاعدية بمعنى ان مرور الساعات والايام حدتها هتزيد تدريجيا وايران اختارت طريق الاستنزاف وامتصاص الضربات وكل الصواريخ اللي ايران بتضربها سواء البالستية او مسيرات فهي قديمة والجديد عندها والصواريخ فرط صوتية هيتم استخدمها لما تشتعل الحرب اكثر مع بداية تحول اسلوب ايران الى الردع والامر كله مربوط بتهديد وجود النظام الايراني اللي لو خلاص حس انها قربت اوي فوقتها مفيش حد هيقدر يتوقع ايه ممكن يحصل الا على اقل تقدير حرب اقليمية كبرى