خلينا نفسر ونشرح ايه تداعيات اللي حصل ده بالتفصيل
???? شوف يا صديقي في البداية بعد ما ترامب ونتنياهو اعلنوا ان الهجمات على ايران حققت اول اهدافها باغتيال الخامنئي وسط نفي ايراني ولكن قرب الفجر اعلنت ايران رسميا اغتياله ومكنش بس هو لوحده ولكن معاه افراد من عائلته والقائد العام الحرس الثوري الايراني وامين مجلس الدفاع الايراني حتى الان
آية الله الخامئني له مكانة دينية كبيرة عند الشيعة مش بس في ايران ولكن في العالم كله لانه هو الولي الفقيه لهم حتى عودة الامام الثاني العشر اللي اختفى والامام ده هو المهدي المنتظر فبالتالي هو له مكانة كبيرة جدا واغتياله بيعمل حالة عداء وشحن في المنطقة لان ايران ردها هيكون واسع النطاق والجماعات الموالية لها في لبنان والعراق وسوريا واليمن هيتدخلوا في المواجهة بخلاف شيعة دول الخليج نفسهم اللي لهم انتشار واسع هناك
???? توقيت الهجوم امبارح الصبح على ايران كان حسب معلومات استخبارتية ان في وقت معين هيكون في اجتماع هيضم عدد كبير من قادة النظام الايراني من ضمنهم المرشد نفسه والهجوم على ايران كان معروف انه هيحصل للتخلص من المرشد وتدمير البرنامج النووي والصاروخي لها ولكن النظام الايراني بيكرر نفس الغلطات لان لقادة التابعين له او لجماعات موالية له بيتم اغتيالهم بنفس الطريقة وبرضو ده بيدل على ان النظام مخترق
☢️ ايه هيحصل في ايران بعد اللي حصل ومصير الحرب ايه؟
شوف هو تم الاعلان عن اللي هيكون في مكان المرشد مجلس مكون الرئيس الايراني ورئيس السلطة القضائية وكبار مجلس صيانة الدستور بشكل مؤقت لحد ما مجلس الخبراء يختار مرشد من تاني اللي هو مرجح يكون ابنه مجتبى خامنئي وفي احتمالات انه هو كمان تم استهدافه
حجم التصعيد الايراني امبارح كانت له دلالة على ان في حدث كبير حدث ومكنش هين ابدا لان ايران كانت بترد بشكل انتقامي مش لمجرد الرد على انها تعرضت لهجوم بخلاف ان بعد تأكيد الاغتيال اعلن الحرس الثوري الايراني ان ايران هترد رد انتقامي بدون اي خطوط حمراء وبشكل موسع على اللي ميتسموش وعلى القواعد الامريكية وقواعدها في المنطقة والحرس الثوري هو جيش داخل الجيش الايراني والاتنين لهم مهام مختلفة لان الجيش مهتمه حفظ سيادة البلاد ولكن الحرس الثوري هو حماية بقاء نظام المرشد والاوامر بتاعته بياخدها بشكل شخصي من المرشد وولائه له كمان بشكل تام
???? ايه المتوقع ان ايران تعمله خلال الساعات الجاية؟
ايران في الوقت الاخير غيرت من طريقة الهجوم وبقت تستهدف بيوت المسئولين عند اللي ميتسموش مع دمار كبير في مناطق عدة عندهم خصوصا منطقة تل ابيب الكبرى وايران هتستخدم صواريخ باليستية وفرط صوتية لها قوة تدميرية عالية وغير ان الجماعات التابعة لها هتبدأ تخش في الحرب بالتدريج خصوصا ان فعليا الشيعة لهم انتشار واسع في بلاد الشام والخليج ومع حدوث مزيد من التصعيد قد تستهدف مصافي النفط عند دول الخليج ومناطق عشوائية منها مع القواعد الامريكية فيها
بعد استهداف دول الخليج قد يتم التنسيق بينها وبين امريكا عسكريا او استخباراتيا بشكل علني لو تصاعدت الامور اكتر من كده والمنطقة بيتم دفعها باتجاه حرب اقليمية واسعة