في خبر قالب الدنيا دلوقتي، وفيه تفاصيل جديدة هتظهر في أزمة الدكتور ضياء العوضي:
في تطور مثير ومفاجئ لقصة وفاة الدكتور ضياء العوضي، جهات التحقيق في مصر خدت قرار حاسم ومهم جدًا باستخراج جثمانه من القبر عشان يتعرض على مصلحة الطب الشرعي ويتم إعادة تشريحه مرة تانية.
القرار اتنفذ بالفعل على أرض الواقع، ومحامي الراحل، مصطفى مجدي، أكد إن الإجراء تم تحت إشراف كامل ووفقًا للضوابط القانونية الصارمة، وإن الطبيب الشرعي المختص انتهى من عملية الفحص والصفة التشريحية المطلوبة لتحديد أسباب الوفاة الحقيقية، وبعد الانتهاء من كل الإجراءات، هيتم إعادة دفن الجثمان مرة تانية بشكل طبيعي.
المحامي أوضح إن الهدف الأساسي من استخراج الجثمان وإعادة التشريح هو الوصول للحقيقة الكاملة، والرد على أي شكوك أو تساؤلات حوالين ملابسات القضية.
وأكد كمان إن أسرة الراحل وفريق الدفاع عندهم ثقة كاملة في مؤسسات الدولة والنيابة العامة المصرية، ومؤمنين إن التحقيقات دي هتكشف كل التفاصيل وتوصل للحقيقة وتحقق العدالة.
تفاصيل القضية بدأت تاخد الاتجاه ده بعد ما المحامي مصطفى مجدي قدم التماس رسمي للنائب العام المصري، طالب فيه بإعادة فتح التحقيق في ملابسات الوفاة، خاصة إن الدكتور ضياء توفي في دولة الإمارات العربية المتحدة.
المحامي ما اكتفاش بطلب إعادة التشريح داخل مصر، لكنه كمان تحرك قانونيًا لضمان الحصول على كل الأدلة من خارج البلاد.
الدفاع طلب في الالتماس إن النيابة المصرية تخاطب السلطات الإماراتية بشكل رسمي للحصول على كافة المستندات المتعلقة بالقضية، بما في ذلك التقارير الطبية الكاملة، ومحاضر الشرطة وقت الواقعة.
وكمان تم طلب تفريغ تسجيلات كاميرات المراقبة في مكان إقامة الدكتور ضياء في الإمارات، عشان تتضح الصورة بالكامل ويتم كشف كل تفاصيل القضية في الأيام أن مكنش فالساعات القادمة
الشئ المؤسف بالنسبالي ، أن كل الي بيحصل للراجل ده علشان بس شارك نظرياتة علنًا وقال رأيه العلمي والطبي بناء علي دراسات متوثقة وموجودة بالفعل مش مجـ ـرم يعني ولا ســ..فـ..ـاح ، هل يستحق أنه يتبهدل كل البهدله دي فيه حياتة وكمان مماتة؟
الله يرحمك يادكتور ضياء ويظهر الحقيقة