انتشرت خلال الساعات الأخيرة أخبار على السوشيال ميديا بتقول إن الفنان حسام حبيب اتقبض عليه في قضية مخدرات، لكن الحقيقة إن حسام خرج بنفسه ونفى الكلام ده تمام .

حديث حسام حسام في برنامج بسمة وهبة

في لايف مع الإعلامية بسمة وهبة على إنستغرام، قال حسام: "أنا في بيتي، والكلام ده مش صحيح. بقاله 4 سنين بيتقال عليا نفس الكلام ومش حقيقي، الناس دايمًا بتركز على الغلط." وأكد إن الأخبار دي كلها مجرد إشاعات ملهاش أي أساس.

كمان في مكالمة مع برنامج ET بالعربي، حسام وضح إن كل اللي بيتقال عن القضية دي غير صحيح، وطلب من جمهوره ما يصدقوش أي أخبار غير موثوقة، مؤكد إنه عايش حياته بشكل طبيعي بعيد عن كل الشائعات.

وبالنسبة للكلام اللي طلع عن رجوعه للفنانة شيرين عبد الوهاب، حسام نفى برضه الموضوع وقال إنها مجرد إشاعات. وأكد إن علاقتهم دلوقتي قائمة على الصداقة وذكريات العمر، وإنه مفيش خلافات بينهم زي ما اتقال.

واختتم كلامه كل اللي بيتقال عني مجرد أكاذيب، وفيه ناس بتفبرك وبتحاول تثير الجدل ، علاقتي بشيرين كويسة، وكل حاجة بتتقال عكس كده مش صحيحة .